Monthly archive | Heroldo Komunikas

Zeki Ergas unua gasto de "Esperanta PEN 25-jara"

HeKo 615 7-B, 23 sep 16

Zeki Ergas, sviso el turka deveno kaj ŝabatista familio, estas verkisto kaj publicisto aktiva en la Pac-Komitato de PEN Internacia.

Nova membro de Esperanta PEN-Centro, d-ro Ergas inaŭguros la iniciatojn okaze de la arĝenta jubileo de la Esperanta PEN, fondita en novembro 1991 fare de Tazio Carlevaro, Perla Martinelli, István Nemere kaj Giorgio Silfer.

ENa ne partoprenas en la NFI-konferenco

HeKo 615 8-B, 24 sep 16

Ĉi-semajnﬁne disvolviĝas la jara Konferenco de Naturamika Internacio (NFI), apud Bielefeld en Germanio. La Konferenco estas la plej grava kunveno inter du mondkongresoj. Ĝi arigas la prezidantojn de la diversaj federacioj kaj/aŭ ties delegitojn.

Hispanino la nova sekretario de IYNF

HeKo 615 9-B, 25 sep 16

Esther Vallado el Gijón (Asturio) estas la nova ĝenerala sekretario de Internacia Junularo de Naturamikoj (IYNF). Ŝi jam survojas al Prago, kie situas la Centra Oﬁcejo de la junulara sekcio de NFI, dum la Naturamika Internacio situas en Vieno.

La krurhoko je plej lasta bitoko

HeKo 616 1-A, 25 sep 16

Venas tra la reto (do ankaŭ bitoke) la lasta torpedo kontraŭ la sendependeco de TEJO. Pafas Edwige Ackermann el Triesto, komitatano de UEA por Itala Esperanto-Federacio. El kio oni povus dedukti ke ankaŭ italoj preparas sin por sekvi la linion indikitan de Osmo Buller.

La Protokolo de San-Sebastiano en la PEN-mondkongreso

HeKo 616 2-B, 26 sep 16

Okaze de la inaŭguro de la 82a PEN-mondkongreso en Galegio, dum la Eŭropa Tago de Lingvoj, reprezentantoj de San-Sebastiano prezentis la Lingvan Protokolon el la eŭropa ĉefurbo de kulturo 2016.

Dua kandidatlisto por la Senato 2017-21

HeKo 616 3-C, 27 sep 16

La Blanka Listo estas la dua kiu kandidatas por la elektoj al la Senato de la Esperanta Civito, okazontaj 15 decembro 2016, kun la slogano “Por Civito inspirita de kristanaj valoroj”, kaj subslogano “Civito bezonas kaj Popolon kaj Dion”. Ĝi simbolo estas “skizita prakristana ﬁŝo, proﬁle, kun la kapo maldekstren”.

Debato pri genro kaj religio en la PEN-mondkongreso

HeKo 616 4-B, 28 sep 16

Propono modiﬁ la Ĉarton de PEN Internacia kaŭzis interesan debaton en la hieraŭa Asembleo de la delegitoj, kie intervenis ankaŭ la reprezentanto de la esperanta literaturo, c-ano Giorgio Silfer.

Pli kaj pli interesa la PEN-mondkongreso en Galegio

HeKo 616 5-B, 29 sep 16

La 82a PEN-mondkongreso evoluas kun interesaj renkontoj de verkistoj kaj panelaj diskutoj pri interesaj aktualaĵoj, ligitaj al la rolo de literaturo. Dum ĉi tiu gazetara komuniko estas redaktata, ekzemple, disvolviĝas la atestoj de turkaj kaj kurdaj verkistoj pri la situacio en Turkio.

Minnaja kondolencas pri Reinhard Haupenthal

HeKo 616 6-A, 30 sep 16

Hieraŭ mortis Reinhard Haupenthal (1945-2016), esperantologo kaj interlingvisto. Skribis pri li prof. d-ro Carlo Minnaja:

“Ho, kara amiko Reinhard! Ni konis nin jam pli ol sesdek jarojn, mi Vin memoras kiel “enfant prodige”, longe korespondis, kunlaboris, interŝanĝis materialon kaj opiniojn, kunvivis profunde tiun amon al la historio de kulturo, kiu estis Via esenca trajto.”

septembro 2016