HeKo - retagentejo de la Esperanta Civito
HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin per https://www.paypal.me/giordanoalessio97.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)
HeKo 821 4-B, 25 sep 23: "Literatura Foiro" nek ignoros nek recenzos bitlibrojn
Dum sia hodiaŭa telematika kunsido la redakcio de "Literatura Foiro" interalie pritraktis demandon levitan de c-ano Carlo Minnaja pri la recenzeblo kaj recenzindo de virtualaj libroj. La demando estigis debaton kun distancaj vidpunktoj, kiuj tamen konverĝis al kompromisa solvo: nek recenzi nek ignori.
Unue la afero estas konsiderenda kazon post kazo. Se ekzemple aŭtoro jam publikigis sian novelaron en iu periodaĵo, kaj nun dissendas ilin en PDF-formato, la "verko" ne meritas recenzon en LF; sed se temas pri eminente bona foliaro, indas konta ...
HeKo 821 3-B, 20 sep 23: La Esperanta PEN helpas al rifugintoj
Kunlaboro inter la romanda kaj la Esperanta PEN, helpe ankaŭ de la kroata kaj la usona, sukcesis venigi persan poetinon al Svislando kiel rifuĝinton. Irano estas unu el la landoj kie oni plej persekutas virinojn nuntempe.
La verkistino, nomata Maryam, kontaktis plurajn PEN-centrojn, sed nur la Esperanta reagis, envolvante poste la ceterajn. Ŝi akiris ŝengenan vizon en Kroatio, kaj post mallonga periodo en Zagrebo ŝi atingis Ĝenevon.
La sukceso pruvas ke la Esperanta PEN havas certan prestiĝon ĉe la kolegoj de aliaj literaturoj, ku ...
HeKo 821 2-C, 18 sep 23: Esperanta Gastodomo: projekto por neesperantisto
Laŭ mendo de la proprietulo, kiu deziras vendi la nemoveblaĵon, fondumo Pro Esperanto (la "banko" de la Esperanta Civito) preparis projekton por valorigi la konstruon kiel Esperantan Gastodomon. Entreprenisto el zurika origino, la proprietulo esprimis grandan aprezon pri la projekto.
La domo konservus gastejan dimension, sed akirus ankaŭ tiun de kulturdomo, kun kinoteko kaj kinoforumoj, ludoteko por tabloludoj kaj turniroj landaj aŭ internaciaj, muzea saloneto pri grava verkisto -- kerno aŭ pivoto de faka biblioteko.
La financaj aspe ...
HeKo 821 2-B, 15 sep 23: "Literatura Foiro" 325 - invit' al Patrolesko
La alvenon de nova sezono estas ĉi-jare omaĝita per nova, bunta numero de "Literatura Foiro", la 325a. La revuo, oficiala organo de Esperanta PEN-Centro, proponas al la legantoj dudek kontribuojn pri temoj plej diversaj: jen prozo, jen poezio, jen eseoj kaj recenzoj. Arĝenta fadeno tredas ĝin: multo originas el la verkistoj de "La Patrolo", daŭre aktivaj kaj solidaraj post pli ol duona jarcento.
La numeron malfermas uverturo aŭtorita de la janiŝa poetino Mariella Mehr, brile esperantigita de Giorgio Silfer, kiu regalas la legantojn per tr ...
HeKo 821 1-B, 13 sep 23: Statutmodifo tagorde en la venonta KCE-Asembleo
Ĝis 2013 kiu ajn svisa establo, eĉ sen jura personeco kaj pagante neniom, povis partopreni kun voĉrajto en la Asembleo de Kultura Centro Esperantista. Se ne svisa, necesis pagi la kvaroblon de la jara kotizo por Apoganto (180 frankojn oble kvar). Ĝenerale, nur LF-koop pagis. Neniu loka aŭ faka societo faris donacon, escepte de la zurika (cent frankojn, sed ne ĉiujare) kaj Svisa Esperanto-Societo: fakte ĉi-lasta rezignis pri la interezo (300 frankoj jare) pro mono pruntita al KCE okaze de la aĉeto de la Domo en strato Postiers 27, post la likvido de Gas ...
