La Protokolo de Donostia kaj la slavaj minorigitaj lingvoj
Laŭ invito de Slava Unio, prezidata de d-ro Vojtěch Merunka, prof. Giorgio Silfer prelegos en la internacia konferenco pri interslava lingvo, okazonta en Moravio komence de junio 2017. Li prelegos pri la temo: "La Protokolo de Donostia kaj ties apliko al minorigitaj slavaj lingvoj".
"La nuna strukturo de la Protokolo de Donostia montras dokumenton tre influitan per la spertoj de la lingvaj minoritatoj en Okcidenta Eŭropo. Mi klopodas prognozi ĝiajn eblajn aplikojn en la slava mondo" klarigas la Vickonsulo de la Esperanta Civito.
La prelegon li proponas en esperanto, sed ĝi estos disponebla ankaŭ en la franca.
(HeKo 642 3-C, 25 apr 17)
