OSIEK kaj "La Gazeto" virtuale mortis (kaj resurektis)
La Internacia Esperanto-Konferenco de la rondo ĉirkaŭ "La Gazeto" de Eugène de Zilah estas planita en Kondoros (Hungario) kiel kutime por la tria semajno de julio, pri la temo "Humura literaturo en esperanto".
Sed la retejoj de OSIEK www.osiek.org kaj de la periodaĵo www.lagazeto.com ne plu ekzistas. La nekrologoj nemezas en la angla: This domain is expired. Kompreneble kun la domajnoj malaperis ankaŭ la arkivoj de "La Gazeto" en la reto. Kaj certe ankaŭ la retadresoj por komuniki kun OSIEK kaj la redakcio.
Por tiuj kiuj pensis iri al IEK: Kondoroso estas vilaĝo en la departemento Békés, unu el la plej tipaj (kaj neriĉaj) en la vasta hungara ebenejo, nefacile atingebla, proksima al Rumanio, kvankam ankoraŭ ne landlime.
[HeKo 395 7-A, 8 jul 09]
Estimataj,
Dankon pro la atentigo en HeKo 395 7-A, 8 jul 09: OSIEK kaj "La Gazeto" virtuale mortis !
Ni tuj riparis: http://www.osiek.org/ http://www.lagazeto.com/
kore,
Bruno Masala
