Parlamento

Art. 13 de la Konstitucia Ĉarto — Leĝodona povo

1. La leĝodona povo apartenas al la Parlamento kaj, laŭ ties delego, al la Konsulo por la aplikaj aktoj.
2. La Parlamento konsistas el du branĉoj: Forumo kaj Senato.
3. La Konsulo prezidas ambaŭ branĉojn de la Parlamento.

Art. 14 de la Konstitucia Ĉarto — Forumo

1. La Forumo estas la pariteta asembleo de la paktintaj establoj.
2. Ĉiu establo aliĝinta al la Pakto rajtas esti reprezentata en la Forumo fare de maksimume du voĉrajtaj civitanoj, kiuj tamen esprimas entute unu voĉon, kaj rajtas reprezenti maksimume unu paktinton.
3. La Forumo kunvenas en ordinara sesio unu fojon jare, kaj en eksterordinara sesio laŭ peto de almenaŭ unu sesono de la paktintoj.
4. La Forumo havas la nedelegeblan povon:
   1. akcepti novajn paktintojn;
   2. decidi pri propra reglamento;
   3. proklami la rezultojn de la elektoj por la Senato.

Art. 16 de la Konstitucia Ĉarto — Senato

1. La Senato estas la proporcie reprezenta asembleo de la voĉrajta civitanaro.
2. Ĉiu civitano atinginta la 25^an aĝjaron estas kaj elektanto kaj elektebla; inter 18 kaj 25 estas nur elektanto.
3. La Senato kunvenas en ordinara sesio ĉiun sesan monaton, tuj post la Forumo se komence de la mandato.
4. La laborojn de la Senato gvidas propra reglamento.

Forumo de la Esperanta Civito

Senato de la Esperanta Civito