Mag. Sacha Giordano per kurso pri ĝenerala lingvistiko kaj d-ro Giorgio Silfer per lekcioj pri la esperanta teatro realigis tre interesan Esperantologian Fakultaton 10-15 aŭgusto 2021 ĉe Kultura Centro Esperantista en Svislando, kun la fizika partopreno de deko da studantoj el ses eduklingvoj: bulgara, franca, hispana, hungara, itala, kroata.
“Kiam venos la fina decido de UEA pri la Centra Oficejo, ni komencos plani la translokiĝon kaj la estontecon de TEJO en Roterdamo.” Tiu ĵusa publika deklaro de la TEJO-estraranino Klara Ertl pruvas ke la destino de la Junulara estas subiĝi al kaj dependi de la Universala.
Manke de la Fina Venko, la fina vendo de la sidejo de la Universala en Roterdamo surprizis la Junularan. “En la estraro [de TEJO] ni jam longe aŭdis “klaĉojn”, sed la koncernan dokumenton ankaŭ ni vidis nur en aŭgusto. Ne estis oficiala komuniko al la TEJO-estraro antaŭ la sendo de tiu dokumento al komitatanoj” konfesas unu el la TEJO-estraranoj.
La Estraro de la Universala ĵus proponis al la Komitato vendi la domon en Nieuwe Binnenweg 176, Roterdamo, kaj tiel rekapitalizi la asocion per miliono da eŭroj. Tio samtempe signifas likvidi la Centran Oficejon, kaj tiel fermi tutan epokon.
HeKo 769 3-C, 14 aŭg 21
La Senato de la Esperanta Civito, reale kunsidanta en Loklo, 9 aŭgusto 2021, aprobis unuanime normojn pri la flago kaj la saluto en Esperantio, per la amenda aldono de du artikoloj al la leĝo pri la simboloj, valida jam de aŭgusto 2016.
HeKo 769 2-C, 14 aŭg 21
La Senato de la Esperanta Civito, reale kunsidanta en Loklo, 9 aŭgusto 2021, aprobis unuanime la enkondukon de la honora civitaneco, per la amenda aldono de du artikoloj al la leĝo pri la familia juro, valida jam de julio 2008. Temas pri du tipoj de honora civitaneco: al vivanta esperantano kaj al mortinta esperantisto.
La Asembleo de Feminisma Esperanta Movado (aliĝinta al la Pakto por la Esperanta Civito), reale kunvenanta en Ĉaŭdefono, la 9an de aŭgusto 2021,
HeKo 768 9-C, 12 aŭg 21
La ĵus aprobita direktivo Maĝarova pri la administrado kaj flegado de la Esperanto-Domoj akcelas la procezon de koherigo ene de la Pakto kaj malfermas al la paktintoj la pordon al la Fonduma Konsilio de Pro Esperanto.
HeKo 768 8-C, 11 aŭg 21
La Forumo de la Esperanta Civito, kiu ne povis kunsidi pasintjare en Budapeŝto pro la subita pandemio, plenumis sian agendon 9 aŭgusto 2021 en la admirinda salono de la Ĝenerala Konsilio, afable disponigita en la urbodomo de Loklo, Svislando.
HeKo 768 7-C, 10 aŭg 21
Hodiaŭ forpasis en Budapeŝto d-ro Gyorgy Nanovfszky (1942[1959]-2021), kies patrino dum certa tempo estis la dojeno de la hungara esperantistaro. Li aktivis per esperanto ekde sia junaĝo, interalie rolante en unika surscenigo de “Sonĝe sub pomarbo” de Julio Baghy.
Julian Modest (pseŭdonimo de Georgi Mihalkov) estas la nova prezidanto de Esperanta PEN-Centro; lin elektis la Asembleo, kiu fizike kunvenis ĉe la Esperanto-Domo en Svislando, krome kun la skajpa partopreno de c-ano Carlo Minnaja. Julian Modest estas unu el la plej fekundaj prozistoj dum la sesa periodo de nia literaturo, periodo kiun Giorgio Silfer konsideras arkivebla ekde 2020.
Feminisma Esperanta Movado havis sian asembleon fizike en Svislando, en salono Claude Piron de Kultura Centro Esperantista, sub la tagprezido de sen. Marie-France Conde Rey.
La Asembleo akceptis la posedon de apartamento nomata “Elfonesto”, kies proprieto apartenas al LF-koop. La enspezoj pro la luoj financos la Movadon. Krome ĝi renovigis la proprajn organojn.
