Heroldo Komunikas | Heroldo Komunikas

Baldaŭ nova domestro por KCE kaj LF-koop

HeKo 536 1-C, 14 jul 13

La domestra oﬁco de Dieter Rooke ĉesos je 31 aŭgusto 2013, precize tutan jaron post la komenco, laŭ komuniko de Fondumo Pro Esperanto kiel regio. Li daŭre loĝos en la Esperanto-Domo de Ĉaŭdefono, kiel ordinara luanto (kaj KCE-komitatano).

La redakcio de "Femina" estas nun pli forta

HeKo 535 9-B, 13 jul 13

La kvara Ateliero pri redakta kaj beletra kreivo, organizita de Kultura Centro Esperantista sub la aŭspicio de Feminisma Esperanta Movado, fortikigis la redakcion de la revuo “Femina”. Tion opinias ties ĉefredaktoo mem, sen. Perla Martinelli, ﬁne de la aranĝo okazinta ĉi-semajne en la Esperanto-Domo de Ĉaŭdefono.

Nova poemaro de Marie-France Conde Rey

HeKo 535 8-B, 12 jul 13

Okaze de la hodiaŭa Verda Vespero ĉe Kultura Centro Esperantista sen. Marie-France Conde Rey prezentis sian novan poemaron: “Chien de feu / Fajra hundo”. La titolo, dulingva kiel la libro mem, aludas al la situo de la aŭtorino en la zodiaka signo.

"Flugi kun kakatuoj" verko de la jaro 2012

HeKo 535 7-B, 3 jul 13

Ricevinte pli ol la duoblon de la voĉoj, kompare kun la ceteraj kandidatoj, “Flugi kun kakatuoj” de Trevor Steele gajnis la premion “La Verko de la Jaro 2012”, asignitan de la abonantaro de “Literatura Foiro” pri la prozaj beletraĵoj surmerkatigitaj dum 2011/12.

Kastelo Grésillon restas celo pli ol rimedo

HeKo 535 6-A, 1 jul 13

Surfante inter la rifoj de novaj francaj administraj reguloj (leĝo pri kooperativoj, kunigo de municipoj, normoj de sekureco…) la societo posedanta kaj mastrumanta kastelon Grésillon daŭre aktivas, kiel atestas la ĵusa asembleo, kiun partoprenis pli ol tridek kooperantoj (el kvarcento), sub la prezido de François Lo Jacomo.

Eraraj asertoj de Osmo Buller

HeKo 535 5-A, 30 jun 13

Dum lastatempa prelego en Finnlando la direktoro de Universala Esperanto-Asocio, s-ro Osmo Buller, faris plurajn erarajn asertojn. Ni atentigas nur pri unu alineo de lia prelego:

[1] Oni povas miri, kiel bone UEA tamen konservis la plej grandan parton de sia membronombro.

Femina 34 inter kino kaj poezio

HeKo 535 4-B, 29 jun 13

Kino kaj poezio karakterizas la enhavon de “Femina” n-ro 34 (somero 2013). Plej rimarkinda estas la longa referaĵo, kun fotoj, recenzoj, statistiko kaj ĝenerala eseo de Marie-France Conde Rey, kiu reprezentis la revuon ĉe la 35a Internacia Festivalo pri Femina Kino, ﬁne de marto apud Parizo. Sen.

Unua fiota teksto en esperanta alfabeto

HeKo 535 3-C, 27 jun 13

Komisiitoj de la Kabinda Respubliko kaj de la Lingva Komitato de Esperantio laboris ĉi-semajne por diﬁni la aplikon de la esperanta alfabeto al la ﬁota lingvo, la oﬁciala de Kabindo.

Someraj anstataŭoj en Esperanto-Domoj

HeKo 535 2-C, 25 jun 13

Fondumo Pro Esperanto kiel regio anoncas ke, pro forestado dum la someraj monatoj, sen. Dieter Rooke, domestro en Ĉaŭdefono, estos anstataŭata de sen. Anna Bartek, kaj c-ino Perla Martinelli, domestrino en Malago, estos anstataŭata de s-ino Mouna Ezzaoudi. La nemoveblaĵo en Budapeŝto restos fermita ĝis 25 aŭgusto 2013.

Rimarkindoj post la UEA-elektoj

HeKo 535 1-A, 24 jun 13

Apenaŭ iom pli ol kvarono de la individua membraro interesiĝis pri la ĵusaj elektoj de la B-komitatanoj de Universala Esperanto-Asocio. Teorie en la Komitato la dekmilo da asociaj membroj restas superreprezentataj kompare kun 4.400 individuaj membroj, ĉar la proporcio estas proksimume dek je unu; tamen praktike eĉ ne 1.200 voĉoj pruvas ke la afero ne estas misproporcia.

Delira intervjuo de Gian Carlo Fighiera

HeKo 534 9-B, 24 jun 13

S-ro Gian Carlo Fighiera ĵus aperigis deliran intervjuon en la skandala retgazeto “Libera Folio”. Parto de tiu deliro estas la falsa informo (sed la redakcio de LibFol kutimas mensogi aŭ mistiﬁki) ke la gazeto “Heroldo de Esperanto” estus proprieto de la Esperanta Civito, kvankam ĝi estas proprieto de LF-koop.

Budapeŝta literatura kafejo pri muzika kulturo

HeKo 534 8-B, 21 jun 13

Hieraŭ la monata literatura kafejo de Fajszi Amika Rondo kaj Esperanta PEN enfokusiĝis pri nia originala muzika kulturo. Anjo Amika prezentis specimenojn de kanzonoj kies teksto estis verkita kaj melodio komponita por esperanta kantistino, originale en nia lingvo.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.