La Vickonsulo de la Esperanta Civito invitis hodiaŭ al labormanĝo la Estraron de Tutmonda Esperantista Junulara Organizo, ĵus kunvenintan en Roterdamo. Pro diversaj flughoroj povis ĉeesti nur la vicprezidanto, d-ro Francesco Maurelli, kaj estrarano Doniben Jimenez Jaramillo el Kolombio; ilin akompanis Boris Michael Mandirola, prezidinto de TEJO.

Danke al siaj oratoraj kaj politikaj kapabloj la unusola delegito de Esperanta Naturamikaro (ENa) sukcesis renversi la situacion favore al la esperantlingva organizo, kadre de la mondkongreso de Naturfreunde Internationale (NFI), hodiaŭ en Hilversumo (Nederlando).

La koalicio de la dek kvar opoziciaj partioj protestas tra manifestacioj perforte sufokataj en diversaj urboj de Togolando, unuavice Lomeo, la ĉefurbo. La registaro malpermesas pliajn manifestaciojn.

Pli ol unuhora renkonto antaŭhieraŭ ĉe Landa Fremdlingva Biblioteko (OIK) en Budapeŝto inter la biblioteka direkcio kaj delegacio de la Kapitulo de la Esperanta Civito, akompanate de reprezentanto de Fajszi Amika Rondo.

C-ino Judit Felszeghy estas la nova asistanto ĉe la orienta legacio de la Esperanta Civito, konforme al la strukturo preskribita de direktivo Zavadlav. Ŝi anstataŭas c-anon György Nanovfszky, al kiu iras la danko de la Kapitulo pro la plenumita deĵoro.

La ĉefredaktoro de “Femina”, c-ino Perla Martinelli, prezentis hieraŭ la jardekon de la revuo, okaze de literatura kafejo organizita de Fajszi Amika Rondo en Budapeŝto.

La Administra Komitato de LF-koop (KALiFo) havis hieraŭ posttagmeze ordinaran kunvenon en Budapeŝto, sub la gvido de la prezidanto, d-ino Perla Martinelli.

Hodiaŭ matene la Komitato de Kultura Centro Esperantista havis ordinaran kunvenon en Budapeŝto, ĉe la orienta legacio de la Esperanta Civito. La legacioj ja estas je dispono de ĉiuj paktintaj establoj. La kunveno, kiu estis kvoruma, disvolviĝis sub la prezido de prof. Giorgio Silfer.

La 10an de oktobro 2017 Lexus devus pagi al LF-koop la lastan el dek unu monataj partoj, el kiuj la unuan je la 10a de novembro 2016, por garantii al si la proprieton de la gazeto “Heroldo de Esperanto” (art.9 de la kontrakta deklaro). El tiuj dek unu nur unu estis pagita, kaj en malfruo.

Por la dua fojo dum tridek tri jaroj Usono eksiĝos de Unesko. Unue en 1984, sub la prezido de Ronald Reagan; due fine de 2018, sub la prezido de Donald Trump.

“Mi adresas min al vi ne nur kiel prezidanto de la Eŭropa Konsilio, sed kiel iu firme kredanta en la moto de Eŭropa Unio <Unuiĝintaj en la diverseco>, kiel membro de etna minoritato, kiel regionisto, kaj kiel homo kiu scias kion oni sentas, se frapate de bastono.” Tiel Donald Tusk, pola ŝtatano el kaŝuba etno, skribis hieraŭ posttagmeze al Carles Puigdemont, prezidanto de Katalunio