Heroldo Komunikas | Heroldo Komunikas

Prespretas la franca PEN-kajero pri nia literaturo

HeKo 671 5-B, 1 feb 18

Gec-anoj Marie-France Conde Rey kaj Giorgio Silfer ĵus ﬁnis la redaktadon de la franclingva kajero pri la kultura historio de Esperantio, eldonota ĉi-jare de Esperanta PEN-Centro. La hispanlingva varianto estas jam preparata en Meksiko, kunlabore kun d-ino María Elena Ruiz Cruz, verkistino.

Literatura Foiro regalas per 384 paĝoj en 2018

HeKo 671 4-B, 31 jan 18

Kiel promesis LF-koop, en 2018 ĉiu numero de la dumonata “Literatura Foiro” havos 64 anstataŭ 56 paĝojn, entute 384, tamen sen altigo de la abontarifo. Kaj la unua numero (291, februaro 2018) estas ĵus liverita al la presejo.

Presata la februara numero 2018 de HdE

HeKo 671 3-B, 30 jan 18

Kultura Centro Esperantista liveris al la presejo la duan numeron de sia monata informilo, “Heroldo de Esperanto” n-ro 2281 (februaro 2018). La numero dediĉas atenton al la interna evoluo de la tri ĉefaj subjektoj en Esperantio: UEA, TEJO kaj la Esperanta Civito.

TEJO kongresos en Slovakio dum 2019

HeKo 671 2-A, 29 jan 18

La estraro de Tutmonda Junulara Esperantista Organizo elektis urbon en Slovakio, Liptovský Hrádok, kiel sidejon de la Internacia Junulara Kongreso en 2019.

Sepdek jarojn post poemo de Leen Deij

HeKo 671 1-C, 27 jan 18

Hodiaŭ en la Tago de la Memoro pri la Holokaŭsto, ni povus celebri ankaŭ la sepdekan datrevenon de la publikigo de la poemo “Al la juda foririnto” de c-ano Leen Deij. Tio bedaŭrinde signifus enkonduki polemikon, ĉar parto de la esperanta popolo ne komprenis ĝustatempe la enormecon de la nazia danĝero.

Pli kaj pli konfuza situacio en la UEA-kupolo

HeKo 670 9-A, 26 jan 18

Preskaŭ neniu volas ke s-ro Brunetto (Bruĉjo) Casini estu ĝenerala sekretario de Universala Esperanto-Asocio: jen la sola klara indiko el la ĵusa baloto de la UEA-Komitato. Pri la cetero, regas nokto kaj nebulo.

Teatro spuras vojon al Afriko

HeKo 670 8-B, 25 jan 18

Pedro Carrillo, aktoro kaj reĝisoro, proponas realigi spektaklon en Burundio, okaze de la venonta Kristnasko. Temas pri “kripa prezento”, kun muziko kaj kantoj, ilustranta la naskiĝon de Jesuo. De pluraj jaroj c-ano Carrillo enscenigas tian religian akton en Andaluzio: li opinias ke afrikanoj tute taŭgas por tiu ĝenro.

Bogatov jam superflue persekutata

HeKo 670 7-C, 24 jan 18

La kazo Dmitrij Bogatov evoluas espereble al bona solvo por la akuzito. La rusa ministerio pri internaj aferoj, pere de propraj ekspertoj, ne konstatis lin kulpa pro alvokoj al terorismo. Tamen la juna moskva esperantisto restas en hejma aresto: li rajtas nek eliri nek komuniki eksteren, escepte al gefamilianoj.

Nur ses vivantaj esperantistinoj diligente kolegas

HeKo 670 6-A, 22 jan 18

Nur ses virinoj situas inter la 52 vivantoj en la libro “Nia diligenta kolegaro”, kiu ampleksas ducenton da plej gravaj esperantistoj en la mondhistorio, laŭ la opinio de la eldonejoj (Sezonoj en Rusio kaj LEA en Litovio).

La krizo de UEA bemolo de 2017 laŭ LOdE

HeKo 670 5-A, 19 jan 18

Preskaŭ unuanima indiko pri la krizo de Universala Esperanto-Asocio, kiel ĉefa bemolo de la jaro 2017, laŭ sondado farita de “La Ondo de Esperanto”. Tamen estas interesaj la diversaj nuancoj.

Malago honoris la Zamenhofan jubileon

HeKo 670 4-B, 17 jan 18

Sekve de kontakto inter Esperanta Naturamikaro kaj la kultura societo Sociedad Erasmiana, hieraŭ ĉi-lasta invitis prof-ron Giorgio Silfer prelegi en la hispana pri la originoj de esperanto, koincide kun la centa datreveno de la forpaso de Lazaro Ludoviko Zamenhof, en prestiĝa sidejo ĉe la urbocentro de Malago.

Akordoprotokolo malfermas la pordon de UN al la Civito

HeKo 670 3-C, 14 jan 18

Sekve de decido de la Kapitulo jam la pasintan majon, la Esperanta Civito establis kontakton kun Esperanto-Radikala Asocio, kiu ekde 2017 estas oﬁciale reprezentata ĉe Unuiĝintaj Nacioj. La kontakto evoluis al intertraktado, kies protagonistoj estas la Konsulo unuﬂanke, asistata de eksambasadoro Leonardo Baroncelli, kaj la ĝenerala sekretario de ERA, aliﬂanke.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.