Heroldo Komunikas | Heroldo Komunikas

Bourot ne volis vendi sian domon al SYM

HeKo 531 5-A, 2 maj 13

Rekorde malgranda asembleo de Societo Yvonne Martinot ĉi-jare en Bureso: nur naŭ personoj, preskaŭ nur iom larĝigita komitato. Foras la tempo kiam la asemblojn de La Kvinpetalo partoprenis inter tridek kaj kvindek personoj: tiam SYM estis la ﬁlio de LF-koop en Francio.

Legu pli pri Bourot ne volis vendi sian domon al SYM

Printempa numero 2013 de "Literatura Foiro"

HeKo 531 4-B, 29 apr 13

Tri poemoj de Lenke Szász (premiitaj en la pasintjara literatura konkurso EKRA) kaj rakonto de Julian Modest estas en la rubrikoj pri la originala esperanta literaturo de la aprila numero (262) de “Literatura Foiro”, kiu proponas ankaŭ eseon de Carlo Minnaja pri Miyamoto Masao, okaze de ties centjariĝo, kaj recenzon de Till Dahlenburg pri la poemaro “Maturaj meditadoj” de Dimitrije Janiĉiĉ.

Legu pli pri Printempa numero 2013 de "Literatura Foiro"

Ses definitive akceptitaj por verkista ateliero

HeKo 531 3-B, 27 apr 13

Rigora selektado de la partoprenontoj en la 4a Ateliero pri verka kaj redakta kreivo, organizota de KCE sub la aŭspicio de Feminisma Esperanta Movado, ĉe la Esperanto-Domo en Svislando, 9-14 julio 2013. Estas deﬁnitive akceptitaj gec-anoj Anna Bartek, Marie-France Conde Rey, Perla Martinelli, Chamberline Nguefack Zedong, Dieter Rooke kaj f-ino Polina Kalnickaja.

Legu pli pri Ses definitive akceptitaj por verkista ateliero

Literatura kafejo pri Attila József

HeKo 531 2-B, 27 apr 13

Imre Szabó, prezidanto de Hungaria Esperanto-Asocio kaj valora poezia tradukisto, gastis hieraŭ ĉe la sesa literatura kafejo, organizita de Esperanta PEN-Centro kaj Fajszi Amika Rondo ĉe la Landa Fremdlingva Biblioteko en Budapeŝto. La vespero estis dediĉita al la arto de la hungara poeto Attila József.

Legu pli pri Literatura kafejo pri Attila József

Akademianoj apenaŭ volas virinojn inter si

HeKo 531 1-A, 26 apr 13

Nur tri virinoj estis inter la 19 kandidatoj por 17 postenoj en la Akademio de Esperanto. Ili estas renomaj esperantologinoj: Marjorie Boulton, Anna Löwenstein kaj Perla Martinelli. La 34 voĉdonintoj (29 viroj) metis du el ili en la lastajn postenojn, tiel ke d-ino Boulton eniris inter la lastaj, kaj d-ino Martinelli ne estis reelektita.

Legu pli pri Akademianoj apenaŭ volas virinojn inter si

Israelo gastigis azian esperanto-kongreson

HeKo 530 9-A, 25 apr 13

Spite al la kampanjo de 2013 ĉe la skandalgazeto “Libera Folio” kontraŭ esperanto-kongresoj en Israelo (kontraŭ Israelo mem jam okazis alia kampanjo en 2010), la 7a Azia Kongreso altiris al Jerusalemo pli ol 160 homojn el 26 landoj, laŭ raporto de s-ro Amri Wandel, prezidanto de E-Ligo Israela.

Legu pli pri Israelo gastigis azian esperanto-kongreson

La skizofrenio de la "bonlingvanoj"

HeKo 530 8-B, 25 apr 13

Spite al siaj (mal)bonaj intencoj, la subtenantoj de la “bona lingvo” ankoraŭ ne sukcesas komplete kontroli la Akademion de Esperanto: ne suﬁĉis la kooptado de kelkaj “bonlingvanoj” (ironie diﬁnitaj “ŝtonlingvanoj”), laŭ propra diﬁno subtenantoj de “Tutmondeca Esperanto”.

Legu pli pri La skizofrenio de la "bonlingvanoj"

Malago renkontas la esperanto-poezion

HeKo 530 7-B, 24 apr 13

La tre sukcesa prezento pri esperanto fare de c-ino Perla Martinelli ĉe urba biblioteko en Malago la pasintan monaton kaŭzis interalie pozitivan kontakton kun la lokaj poeziamantoj. Unu el la ĉeestintoj, prof. José Luis Pérez Fuillerat, proponis al d-ino Martinelli esperantigi poemon, okaze de baldaŭa prezento de unu el liaj poemaroj.

Legu pli pri Malago renkontas la esperanto-poezion

Tro da verkistinoj estas persekutataj

HeKo 530 6-B, 22 apr 13

Ĉiujare la PEN-Komitato por verkistoj en prizono kalkulas milon da kazoj de persekuto. En 2012 ili estis 877, inter kiuj ankaŭ virinoj, murditaj, enkarcerigitaj, minacataj de diktaturoj, koruptitaj reĝimoj aŭ armita krimularo.

Legu pli pri Tro da verkistinoj estas persekutataj

Literatura agnosko celebrota en Rejkjaviko

HeKo 530 5-B, 21 apr 13

La 10an de septembro 1993 la PEN-mondkongreso en Santiago de Kampustelo agnoskis esperanton literatura lingvo. La tiamaj reprezentantoj de nia literaturo, Perla Martinelli kaj Giorgio Silfer, partoprenos en la venonta PEN-mondkongreso en Rejkjaviko, kaj samtage organizos akcepton por la gekolegoj, por celebri la dudekan datrevenon de tiu evento.

Legu pli pri Literatura agnosko celebrota en Rejkjaviko

ALTE-konferenco en Salamanko: KCE alestas

HeKo 530 4-B, 17 apr 13

Ekis hodiaŭ la 43a ALTE-konferenco, organizita de la universitato en Salamanko kunlabore kun la Asocio de LingvoTestistoj Eŭropaj.

Legu pli pri ALTE-konferenco en Salamanko: KCE alestas

Kion signifas pioniri?

HeKo 530 3-C, 14 apr 13

“Kaj nun mi diras al vi: Detenu vin de ĉi tiuj homoj, kaj lasu ilin; ĉar, se ĉi tiu intenco aŭ ĉi tiu laboro estas de homoj, ĝi renversiĝos; sed se ĝi estas de Dio, vi ilin ne povos renversi; aŭ eble iel vi troviĝos batalantaj kontraŭ Dio.

Legu pli pri Kion signifas pioniri?

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.