Longe vivu la emancipita TEJO!
HeKo 626 9-A, 16 dec 16
Post preskaŭ dudek jaroj da klopodoj, finfine TEJO emancipiĝis de UEA.
Sukcesa Zamenhofa festo de SIPU en Buĵumburo
HeKo 626 7-B, 15 dec 16
En serena kaj agrabla etoso disvolviĝis la Tago de la Esperanta Kulturo en Buĵumburo, ĉefurbo de Burundio, danke al la festo organizita de SIPU, Societo Internacia por la Paco Universala, kies esperanto-branĉo estas prezidata de sen. Frederiko Nimubona.
Muzike plena Zamenhofa festo en Malago
HeKo 626 6-B, 15 dec 16
La ĉi-jara Tago de la Esperanta Kulturo estas festita en la ĉefa salono de la socia centro najbara al la naturamika Esperanto-Domo en Malago. Kunorganizis la aranĝon Esperanta Naturamikaro kaj la loka Esperanto-Societo “Marbordo de la Suno”.
Nova strukturo por la redakcio de LF
HeKo 626 5-B, 14 dec 16
Inter la ĉefredaktora nivelo kaj la kunlaborantaro la kultura revuo “Literatura Foiro” havas ekde nun etan stabon el fakaj redaktoroj, precipe pri la temoj ekster beletro. La redaktoroj helpas ankaŭ al la ellaborado de la redakta strategio ĝenerale.
Vicprezidanto redaktos la malfruantan UEA-organon
HeKo 626 4-A, 13 dec 16
Prezidanto Mark Fettes ĉesigos la kontrakton kun Attila Kaszás el Budapeŝto fine de la nuna monato. Temas pri la tria redaktoro kiun li maldungas en kvar jaroj, kvankam efektive Fabrício Valle ne lasis sin senkapigi kaj nun preparas sin por propra, espereble sukcesa aventuro per “Heroldo de Esperanto”.
Preparataj la balotejoj por la Senataj elektoj
HeKo 626 3-C, 12 dec 16
Estas preparataj la balotejoj en tri kontinentoj por la elektoj al la Senato de la Esperanta Civito. La koncernaj responsuloj jam ricevis la skemon de la balotprotokolo kaj la liston de la voĉrajtaj en la koncerna areo.
LF-koop finas du jardekojn da heroldumado
HeKo 626 2-B, 11 dec 16
Ĉi-semajne pretos por la presejo ankaŭ la numero 2267 (17:2016) de “Heroldo de Esperanto”: la lasta produktata de LF-koop. La lastaj du numeroj estas grandparte dediĉitaj al la baldaŭa Zamenhofa jaro, per longa kaj detala studo pri la uzo de la vorto “popolo” ĉe la Majstro. La filologia esploro, realigita de mag.
Samseksemuloj zorgemaj pro normoj en Togolando
HeKo 626 1-A, 10 dec 16
La normoj malfavoraj al samseksemuloj en afrikaj ŝtatoj vekas la zorgemon ĉe kelkaj TEJO-anoj, kiuj timas partopreni en la Internacia Junulara Kongreso, anoncita en Aneho (Togolando) por la dua semajno de aŭgusto 2017.
Spikume tra Universala Deklaracio
HeKo 625 9-A, 9 dec 16
Se temas pri personoj en ajna kunteksto, unu el la unuaj demandoj estas: kiom? La homa psiko bezonas kvantumi la homojn mem. Tipa ekzemplo: oni parolas pri lingvo, sed kiam oni aludas al ĝiaj parolantoj tuj venas la demando — kiom da homoj posedas ĝin?
Aleksandro Melnikov gastas en Andaluzio
HeKo 625 8-B, 7 dec 16
C-ano Aleksandro Melnikov gastis hieraŭ ĉe la Esperanto-Domo en Malago, kadre de vojaĝo kiu ebligis al li la preskaŭ kvindekan landon en lia vivo: Ĝibraltaro.
Ĉu ŝia "Ponto de Vortoj" kondukas al vero?
HeKo 625 7-A, 6 dec 16
Se vi serĉas ĵurnalisme vervan tekston en la angla pri Esperantio, sen aparta pretendo por scienco nek profunda objektiveco pri sciendo, estas rekomendinda la libro de Esther Schor “Bridge of Words”, kies subtitolo klarigas la enhavan celon: “Esperanto and the Dream of Universal Language” (2016).
Informo por la ricevantoj de "Heroldo de Esperanto"
HeKo 625 6-B, 5 dec 16
Kiel de longe LF-koop anoncis, la Sociala Grupo Lexus posedos, eldonos kaj administros la gazeton “Heroldo de Esperanto” ekde Novjartago 2017.
La kunlaborantoj pri la enhavo bonvolu sendi siajn artikolojn kaj fotojn al la nova eldonejo. Ekde 15 decembro 2016 la nuna redakcio ne plu respondos al mesaĝoj, sed aŭtomate plusendos ilin al la nova.