Krom malprobabla surprizo, venos el Brazilo la novaj prezidantoj kaj de la Universala kaj de la Junulara: la respektivaj elektaj komisionoj rekomendas nur s-ron Fernando Maia jr por UEA kaj nur f-inon Ana Ribeiro por TEJO. Se en ILEI la nuna estrarano sen. Fernando Pita iĝus prezidanto, la brazilaneco estus kompleta, en la asocia triopo…
Komenciĝis per lecionoj pri la strukturo kaj la historio de Unuiĝintaj Nacioj kaj Eŭropa Unio la kurso pri tradukado de diplomatiaj kaj internaciaj dokumentoj, gvidata ĉi-semajne de d-ro Giorgio Silfer ĉe Kultura Centro Esperantista en Svislando. Laŭ la trejnisto fakte necesas almenaŭ ĝenerala kono pri la du plej gravaj internaciaj organizoj, por prepari sin al la tradukado de ties tekstoj.
La elekta komisiono de la Universala rekomendis ke la estraro elektota post kelkaj tagoj en Bruno restu naŭopo, kiel la eliranta: tio certe estos aprobita, ankaŭ ĉar ekzistas surpluso da kandidatoj, pro la persisto de du elirantaj estraranoj plu rekandidati, spite al la alia rekomendo de la komisiono konfirmi nur kvin el la naŭ elirantaj (el la kvar forpelindaj, du per si mem retiriĝis).
Se ne bankrotos pluraj junularaj organizoj, ekde 2028 ankaŭ Tutmonda Esperantista Junulara Organizo (kaj UEA) melkos malpli da ora lakto el la eŭropunia bovino: la risko evidentiĝas, se konsideri la ĵus prezentitan plurjaran buĝeton de ĉefkomisarino Ursula von der Leyen.
Senegaliaj* esperantistoj esperis partopreni en la unua Universala Kongreso de Esperanto en Afriko, en Tanzanio, en aŭgusto 2024, la 109-a UK: tiel, en 2023, estis esperanto-kursoj ĉeeste kaj distance, en 2024, dum la unuaj du monatoj okazis regule distancaj kursoj, per vatcapo.
Se pri Amri Wandel la implica rekomendo de la elekta komisiono estus lasi israelanon ekster la estraro de la Universala, la elimino de alia kandidato, François Lo Jacomo, odorus je pli subtila konsidero.
La paktintoj estos censataj kun limdato 30 novembro 2025, fare de la vickonsulo pri internaj aferoj, sen. Manuela Blanco, laŭ delego de la Konsulino, sen. Lorena Bellotti.
Sub la prezido de sen. Giorgio Di Nucci la verda grupo de la Civita Senato kunsidadis telematike dum la lastaj semajnoj (efektive tri el la dek tri verdanoj situas nun samurbe) kun densa tagordo.
Por Sennacieca Asocio Tutmonda la jara kongreso estas pli ol turisma aranĝo plus kunsidoj de gvidaj instancoj: ĝi “esploras diversajn proponojn pri la agado de la venonta jaro kaj vortigas siajn konstatojn kaj dezirojn, konigotajn al la tuta anaro; la Kongreso esprimas pri ĉiuj proponoj sian opinion aproban aŭ malaproban; referendumo findecidas pri ĉiuj proponoj.”
“Momente mi partoprenas en Baltiaj Esperanto-Tagoj, kiun dimanĉe mi salutis kiel vicprezidanto nome de UEA. Pluraj demandis min, kial mi mem ne estis kandidato por la prezidanteco. Mi ne konas la konsiderojn de la Elekta Komisiono por ne proponi duan kandidaton, despli ke en mia sinprezento en la raporto mi skribis ke principe mi povos laŭbezone plenumi tiun rolon.”
La ĉina korespondanto de la revuo “Monato” lastatempe alvenis al la konkludo ke esperanto ne fariĝos dua lingvo por ĉiuj homoj, kiel revis la iniciatinto Zamenhof — kaj kvankam pri la “revo” de Zamenhof eblus diskuti longe, tamen koncize ni rajtas dedukti ke raŭmismo atingis Popolan Ĉinion kun pli ol kvardek kvin jaroj da malfruo.
El 719 voĉrajtaj deputitoj nur 360 hieraŭ subtenis ĉefkomisarinon Ursula von der Leyen, malaprobante la proponon de malkonfido kontraŭ ŝi, subtenatan de la dekstrema opozicio el secesiemaj suverenistoj; la mocio bezonis du trionojn de la esprimitaj 553, nome 302 jesojn — ĝi ricevis nur 175; dek ok la sindetenoj.
