Heroldo Komunikas | Heroldo Komunikas

Pli kaj pli intensa la formado de Civitaj kadroj

HeKo 632 9-C, 5 feb 17

La formado de kadroj estas konstanta zorgo en la Esperanta Civito. Certe ĝi intensiĝas dum ĉi tiu mandato. Ne hazarde, dum ĉi tiuj tagoj, ekis preskaŭ samtempe la preparado de du novaj, junaj aktivulinoj.

La svisaj PEN-centroj invitas la Esperantan

HeKo 632 8-B, 4 feb 17

Esperanta PEN-Centro pivotos la kunlaboron inter ĉiuj PEN-centroj en Svislando, nome la alemana, la romanda, la svisitala kaj romanĉa. Prof. Giorgio Silfer estas komisiita prepari la statuton de fondota societo, kies kolektivaj membroj estos la kvar menciitaj centroj.

Al lingvo bona estu siglo bona

HeKo 632 7-A, 2 feb 17

Esperanto-movadoj pli kaj pli ofte partoprenas en mondkongresoj de tegmentaj neesperantistaj organizoj. Tiam leviĝas du demandoj: la tuja rekoneblo kaj la eventualaj alparoloj.

Raŭmisma strategio rilate eŭropajn instituciojn

HeKo 632 6-C, 31 jan 17

Plena salono, kun geaŭskultantoj venintaj eĉ el Venecilando kaj Sicilio, sekvis hieraŭ la esperantlingvan prelegon de prof. Giorgio Silfer, en la sidejo de la Esperanto-Grupo “Luigi Minnaja” en Romo, pri la sekvoj de la brita secesio al la lingva reĝimo en Eŭropa Unio.

Esperanto-bildliteraturo venontjare en la Angulema festivalo

HeKo 632 5-B, 29 jan 17

La esperantlingva bildliteraturo ĉeestos venontjare per ekspozicio la Internacian Festivalon de la Bildstrio, la plej gravan en Eŭropo. La decidon alprenis la prezidanto de la paktinta establo Ĉarento Esperanto, okaze de vizito de la korespondantoj de “Literatura Foiro”, kiuj ricevis oﬁcialan akreditivon por la festivalo.

Vladimir Samodaj kaj Giorgio Silfer en Bruselo

HeKo 632 4-A, 28 jan 17

Esceptaj gastoj ĉe la konversacia rondo de Brusela Esperanto-Grupo ĉi-semajne. Sed dum prof. Giorgio Silfer ofte vizitas la belgan ĉefurbon pro okupoj profesiaj kaj reprezentaj, unuafoja kaj unika (espereble ne ununura) estis la ĉeesto de la 82-jara poligloto Vladimir Samodaj el Odeso.

Hispanoj (kaj aliaj) malamikas al TEJO

HeKo 632 3-A, 27 jan 17

Hispana Esperanto-Federacio malaprobis la emancipiĝon de Tutmonda Esperantista Junulara Organizo, voĉdonante kontraŭ la reformo de la koncernaj artikoloj en la statuto de UEA. HEF estas prezidata de Antonio (Tonyo) del Barrio kaj vicprezidata de Ángel Arquillos.

Mortis Paulo Lima, la kunfondinto de Lexus

HeKo 632 2-B, 26 jan 17

Paulo Lima, veterana esperantisto, forpasis hieraŭ en Brazilo. Li fondis, kune kun Fabricio Valle, la socialan grupon Lexus, kiu aĉetis de LF-koop la prestiĝan gazeton “Heroldo de Esperanto”.

Tago de la Memoro en la EU-Parlamento

HeKo 631 9-E, 25 jan 17

Por celebri la Internacian Holokaŭstan Memortagon (27 januaro 2017) jam hodiaŭ EU-Parlamento kaj Eŭropa Hebrea Kongreso aranĝas ceremonion ĉe salono Yehudi Menuhin de la EU-palaco Spaak. Alparolos la ĵus elektita parlamenta prezidanto, Antonio Tajani, kaj la kongresa prezidanto, d-ro Moshe Kantor.

La Kapitulo preparas laboreman Parlamenton

HeKo 632 1-C, 25 jan 17

La Kapitulo skajpe kunvenis hieraŭ, unuafoje sub la prezido de la eniranta Konsulo, pro foresto de sen. Marie-France Conde Rey.

La Vickonsulo raportis pri sia restado en Bruselo, kun diversaj gravaj rendevuoj: ĉe UNPO, ĉe Civila Servo Internacia, ĉe EU-Parlamento. La rendevuoj traﬁs pozitivajn rezultojn sur la fronto de la eksteraj rilatoj.

Ĉu Roterdamo fermas sian hungaran diplomkanalon?

HeKo 631 8-A, 24 jan 17

Momente preskaŭ ĉiu paĝo pri la KER-ekzamenoj estas fermita.

UEA planas reformojn pri la organizado de la ekzamenoj. Ne klaras, kian rolon www.edukado.net kaj ties redaktoro havos en la nova plano, pro tio ne havas sencon publikigi ajnan dokumenton, priskribon kaj informojn pri la estontaj ekzamenoj.

Levi la demandon pri Skotlando kaj Norda Irlando

HeKo 631 7-E, 24 jan 17

La Vickonsulo renkontis hieraŭ vespere la plej aktivajn belgojn kiuj havas la esperantan civitanecon (senkulpiĝis c-ano Jean-Marie Jacques) kaj aliajn bruselajn esperantistojn, por diskuto pri la eventuala inﬂuo de la brita secesio sur la lingva reĝimo en Eŭropa Unio.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.