HeKo 519 7-C, 14 nov 12
HeKo 519 8-C, 15 nov 12
La Zamenhofologia Semajnfino en Andaluzio, 15-16 decembro 2012, havos kiel ĉefan preleganton prof-ron d-ron Walter Zelazny, kiel jam anoncite. Li prezentos premiere sian verkon pri L. L. Zamenhof, sabaton la 15an ekde 10h00, ĉe la naturamika Esperanto-Domo en Malago.
Universala Esperanto-Asocio principe ne donas tiajn subvenciojn, pli-malpli asertis s-ino Ans Bakker, tiam responsa estrarano de UEA, kiam estis proponita la forviŝo de ŝuldo al UEA mem (ĉirkaŭ 17.000 eŭroj) pro la financado de la projekto “Indiĝenaj Dialogoj”. Tiu subvencio vekis interalie la protestojn de c-ano Koffi Gbeglo, tiam UEA-komitatano.
HeKo 520 2-C, 20 nov 12
D-ro Joël Batila, Kanceliero de la Kabinda Respubliko kaj senatano de la Esperanta Civito, komunikas informon aperintan hieraŭ en la novaĵagentejo Reuters:
Kilimanjaro Capital Ltd, privata kanada kompanio enfokusigita al elmergiĝantaj nacioj en Afriko, ĝojas anonci ke 17 novembro 2012 ĝi subskribis formalan akordon pri oleo-ekspluatado kun la Kabinda Respubliko.
Hieraŭ vespere ree eĥis esperanto en la vasta prelegejo de la Milana Filologia Klubo, kie en 1906 Roza Junk raportis unuafoje pri nia lingvo al sepcento da personoj, interesataj pri la zamenhofa novaĵo. Tra la jardekoj plurfoje tiu jam 140-jara prestiĝa kultura klubo, centre de la lombarda metropolo, gastigis esperanto-kursojn: plej intense dum la 1970aj, sub la gvido de Giorgio Silfer.
En la kastelo de Bartoŝovice (Moravio) 8-11 novembro 2012 okazis la 1a Internacia Esperanto-Lernejo, kien Anjo Amika estis invitita kiel kantistino.
Hodiaŭ matene la gvidantoj de Fajszi Amika Rondo, gecivitanoj György Nanovfszky kaj Anna Bartek, havis oficialan kunsidon kun la direktorino de la Fremdlingva Biblioteko (OIK) en Budapeŝto, s-ino Ibolya Mender, en ĉeesto de la esperanto-bibliotekistino tiea, f-ino Aniko Nemes.
“Ni aŭguris ke la Eŭropa Justica Kortumo verdiktos favore al la itala rekurso kontraŭ la oficejo por la selektado de la personalo ĉe la Eŭropaj Komunumoj (EPSO), responsa pri la publikigo de konkursanoncoj nur en la angla, franca kaj germana.
