Heroldo Komunikas | Esperanta Civito

Gravaj kontribuoj al nia teatro

HeKo 327 9-B, 9 apr 07

Lastmonate kreskis la Goldoni-repertuaro en esperanto: post “Kurioza okazaĵo” (trad. Orengo, 1934), “La servisto de du mastroj” (trad. Anev, 1974), “La gastejestrino” (trad. Minnaja, 1989), jen du novaj komedioj – “La kafejo”, tradukita de Carlo Minnaja, kaj “La ruza vidvino”, tradukita de Perla Martinelli.

Legu pli pri Gravaj kontribuoj al nia teatro

Papa bondeziro en nia lingvo

HeKo 327 8-A, 8 apr 07

Papo Benedikto XVI hodiaŭ bondeziris en pli ol 60 lingvoj, okaze de la Paska beno. La lastaj du salutoj estis en esperanto (Feliĉan Paskon en Kristo resurektinta!) kaj latino. En nia lingvo tio okazas ekde Pasko 1994.

Legu pli pri Papa bondeziro en nia lingvo

La koher' al li mankanta

HeKo 327 7-B, 7 apr 07

S-ro Camacho opinias ke “en la Belartaj Konkursoj de UEA la literatura nivelo ne ĉiam brilis (tamen nenio komparebla kun la skandale manipulitaj Floraj Ludoj aŭ la Verko de la Jaro)”. Tio estas opinio plus akuzoj sen pruvoj.

Ni demandu nin: kiu gajnis la lastan premion “La Verko de la Jaro”? Poemaro, kies aŭtoro estas la mastro de eldonejo Mondial, kiu mem presis ĝin.

Legu pli pri La koher' al li mankanta

Senatanino Chamberline Nguefack en Eŭropo

HeKo 327 6-C, 7 apr 07

Unuafoje Afrikano havas periodon de formado en Eŭropo, kadre de la Esperanta Civito. Temas pri kamerunia civitanino, Chamberline Nguefack Zedong, elektita al la Senato okaze de la lasta Zamenhofa Tago, unua afrika senatano (en diversaj listoj kandidatis kvar geafrikanoj, sed nur ŝi estis elektita, por la Verda Listo). Sen.

Legu pli pri Senatanino Chamberline Nguefack en Eŭropo

Heroldo de Esperanto: du numeroj en marto

HeKo 327 5-B, 4 apr 07

En marto 2007 aperis du numeroj de la populara informa gazeto pri la esperanta mondo: la tria de la jaro, kun la du centraj paĝoj rezervitaj al la kalendaro de la kongresa sezono, kaj la kvara, kies unua paĝo estas enfokusigita je la inaŭguro de la Civita Parlamento.

Legu pli pri Heroldo de Esperanto: du numeroj en marto

Raŭmisme informa filmo pri Esperant(i)o

HeKo 327 4-C, 31 mar 07

Ĵus aperis “Sentiments”, okminuta ﬁlmo en lumdisko (DVD), informanta pri Esperant(i)o el raŭmisma vidpunkto. Ĝi estis realigita de studentoj en la Belarta Altlernejo de Angulemo (Francio), neesperantistoj, kiuj pli rapide kaj pli bone komprenis raŭmismon ol ĉiuj ﬁnvenkistoj kalumniantaj ĝin en diversaj latitudoj.

Legu pli pri Raŭmisme informa filmo pri Esperant(i)o

FEM kaj Margareta Handzlik

HeKo 327 3-B, 29 mar 07

Margareta Handzlik, kristandemokrata EU-parlamentano, akceptis 20 marto 2007 en Bruselo, en sia oﬁcejo ĉe Palaco Altiero Spinelli, la tutan Komitaton de Feminisma Esperanta Movado: Marie-France Conde Rey, Agneta Emanuelsson, Jarl Hammarberg, Anna Lászay kaj Perla Martinelli. Ĉeestis ankaŭ sen. Maĝarova.

Legu pli pri FEM kaj Margareta Handzlik

Esperantiano internacia PEN-sekretario?

HeKo 327 2-B, 28 mar 07

Legu pli pri Esperantiano internacia PEN-sekretario?

La Civito en pacifismaj kampanjoj

HeKo 327 1-C, 27 mar 07

“Mutiloj, amputoj, mortoj. Civiluloj estas la unuaj viktimoj de la grapolbomboj, danĝeraj dum jaroj post la ĵeto. En konferenco okazinta en Oslo ﬁne de februaro 2007, la norvega ministro de eksteraj aferoj deklaris ke “jam estas tempo por konsenti, ke ni bezonas novan rimedon je internacia nivelo por malpermesi la grapolbombojn, kies konsekvencoj estas tute malakcepteblaj”.

Legu pli pri La Civito en pacifismaj kampanjoj

Post la deklaracio en Berlino

HeKo 326 9-C, 26 mar 07

Eŭropa Unio estas unu el la temoj pri kiuj plej klare esprimiĝas la diferencoj inter la diversaj grupoj en la Senato de la Esperanta Civito, kiel pruvis la deklaroj dum la balotkampanjo.

Legu pli pri Post la deklaracio en Berlino

"La infana raso" deklamita de William Auld

HeKo 326 8-C, 25 mar 07

LF-koop estas produktanta duoblan KD-on kun la tuta teksto de “La infana raso”, deklamita de William Auld, kun interesa kaj aparta muzika fono por ĉiu ĉapitro. Auld surbendigis sian ĉefverkon en ekskluziveco por LF-koop en 1999. La produktado realiĝis parte en Meksiko parte en Eŭropo, okaze de la 50a datreveno de la unua eldono.

Legu pli pri "La infana raso" deklamita de William Auld

Nepalo malfermas la pordon de Azio

HeKo 326 7-C, 25 mar 07

Situas en Nepalo la unua azia establo kiu petis la aliĝon al la Pakto por la Esperanta Civito. Jogambara Instituto de Esperanto, registrita en Katmanduo, estis unuanime akceptita de la Forumo en Bruselo la 19an de marto 2007. Ĝia prezidanto Gambhir Man Shrestha jam havis la civitanecon, petitan tra la redakcio de “Heroldo de Esperanto”, kies abonanto li estas delonge.

Legu pli pri Nepalo malfermas la pordon de Azio

HeKo – Heroldo Komunikas
retagentejo de la Esperanta Civito

HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, sub responso de la Kapitulo.
B: bultenaj de paktintaj establoj, sub responso de la Kapitulo.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi komentarion aŭ artikolon tra pakto@esperantio.net. Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKoj: https://mallonge.net/heko