La Asembleo de Esperanta PEN-Centro regule okazis en Ĉaŭdefono, 29 julio 2025, kadre de la 14a Kultura Esperanto-Festivalo, kun la partopreno de sep el la dek naŭ membroj: prezidis c-ano Giorgio Silfer, protokolis c-ano Alessio Giordano. Al la dudeka membro (c-ano István Nemere), forpasinta pasintan aŭtunon, KEF dediĉis omaĝan horon.
Rilate mian intervenon en la Komitata Forumo pri Informado, kaj mian esprimon pri neceso konkretigi nian agadon kaj ne tiom teoriumi, hodiaŭ mi havis ekzakte la saman senton [kiel dum lasta Virtuala Kongreso], ke ni restas en la sama loko kaj ne antaŭeniras praktike. Tial (ankoraŭfoje) mia frustriĝo. (José Antonio del Barrio, B-Komitatano de UEA)
La Kultura Esperanto-Festivalo prenis vojturnon favoran al teatro okaze de sia 14a eldono: hodiaŭ per la prezento de “Ŝakludado” fare de Arno Lagrange, laŭ rakonto de Stefan Zweig; morgaŭ per la teatra ateliero de Rolando Giancola kaj la parol-ago inspirita de “Ginevra”, de Edmond Privat; postmorgaŭ per la unuakta dramo “Sur la fina benko”, de Giorgio Silfer.
Kultura Esperanto-Festivalo, mortinta en Skandinavio sed resurektinta en Svislando, dediĉos morgaŭ omaĝon al la plej fama dana verkisto, Hans Christian Andersen, kiu pasigis tutan jaron de sia vivo en Loklo kaj la najbara Ĉaŭdefono dum sia junaĝo: Giorgio Silfer gvidos promenadon tra la urbeto kie ekestis la svisa horloĝindustrio, parolante pri Andersen, homo kaj verkisto.
En agrable trankvila etoso komenciĝis en Ĉaŭdefono la 14a Kultura Esperanto-Festivalo, per la organizado de Studenta Esperanta Ligo kaj Kultura Centro Esperantista: ĉi-jare kun pli da teatro ol kutime; en la unua tago precipe okazis prelegoj.
Kiel prognozite, Amri Wandel kaj François Lo Jacomo estis la lasta kaj la antaŭlasta en la klasifiko, okaze de la elektoj al la estraro de la Universala. La dua tamen ricevis tiel malmulte da voĉoj kiel alia kandidato (novulo el Hungario), kaj en dua baloto li sukcesis “eniri tra la serurtruo”.
HeKo 880 8-C, 27 jul 25
Post interna diskuto pri la “degenero de cionismo” kaj la Senatokonsulto de 2 julio 2025 pri “Zamenhof kaj cionismo”, Hilelista Esperanto-Komunumo serĉas senatanon de ajna grupo por liveri al la Kons
Unu el la praktikaj ekzercoj de la ĵus finita kurso pri tradukado de diplomatiaj kaj geopolitikaj dokumentoj konsistis en la naciigo de transnacia dokumento en esperanto, specife la hispanigo, hungarigo, italigo ktp de la Pakto por la Esperanta Civito; tio donis la ŝancon konstati ke la Kvintezo distingas inter kulturcentroj kaj esperanto-dom
HeKo 880 6-C, 25 jul 2025
Daŭras la laboro de tradukado, reordigo kaj plibonigo de la Vikipedio-paĝoj pri la Esperanta Civito. Tiu klopodo, gvidata de la fakgrupo pri informado, celas vastigi la haveblajn informojn pri la establoj kaj instancoj de nia konsorcio en unu el la ĉefaj informkanaloj, precipe por la novaj generacioj.
Krom malprobabla surprizo, venos el Brazilo la novaj prezidantoj kaj de la Universala kaj de la Junulara: la respektivaj elektaj komisionoj rekomendas nur s-ron Fernando Maia jr por UEA kaj nur f-inon Ana Ribeiro por TEJO. Se en ILEI la nuna estrarano sen. Fernando Pita iĝus prezidanto, la brazilaneco estus kompleta, en la asocia triopo…
Komenciĝis per lecionoj pri la strukturo kaj la historio de Unuiĝintaj Nacioj kaj Eŭropa Unio la kurso pri tradukado de diplomatiaj kaj internaciaj dokumentoj, gvidata ĉi-semajne de d-ro Giorgio Silfer ĉe Kultura Centro Esperantista en Svislando. Laŭ la trejnisto fakte necesas almenaŭ ĝenerala kono pri la du plej gravaj internaciaj organizoj, por prepari sin al la tradukado de ties tekstoj.
La elekta komisiono de la Universala rekomendis ke la estraro elektota post kelkaj tagoj en Bruno restu naŭopo, kiel la eliranta: tio certe estos aprobita, ankaŭ ĉar ekzistas surpluso da kandidatoj, pro la persisto de du elirantaj estraranoj plu rekandidati, spite al la alia rekomendo de la komisiono konfirmi nur kvin el la naŭ elirantaj (el la kvar forpelindaj, du per si mem retiriĝis).
