HeKo 387 5-C, 11 apr 09
Palestino en la fokuso de la politika debato en la Senato de la Esperanta Civito, kies unua kunsido kadre de la parlamenta sesio okazis hodiaŭ en Ĉaŭdefono. Al la rezolucio proponita de la Verda grupo (subskribe de Zelazny, Martinelli, Nilsson, Grisafi, Gonĉarov) donis sian apogon ankaŭ la Blanka grupo, per interveno de sen. Bartek.
Nur 23 akademianoj el 45 aprobis la enkondukan tekston, redaktitan de Bertilo Wennergren, al la listo de rekomendataj landnomoj, pri kiu la Akademio de Esperanto ĵus referendumis. El la ceteraj 22, kvin kontraŭis, kvin sindetenis kaj dek du ne partoprenis.
Tri generacioj de redaktoroj rezultas el la ĝenerala Asembleo de LF-koop, kiu disvolviĝis hodiaŭ en la Esperanto-Domo de KCE, en fizika ĉeesto de kooperantoj kaj kunlaborantoj el sep landoj: Bulgario, Francio, Hungario, Italio, Kroatio, Svislando, Svedio.
La itala urbo L’Aquila kaj la regiono Abruco estis frapitaj, frumatene la 6an de aprilo 2009, de katastrofa tertremo, kiu mortigis ĉirkaŭ tricent homojn kaj senhejmigis pli ol dudek mil homojn.
HeKo 387 1-C, 9 apr 09
Ĉaŭdefono gastigos plurajn gravajn kunvenojn dum la venontaj tagoj. Kronologie la unua estos la ĝenerala Asembleo de LF-koop, sub la prezido de c-ano Marc Hiltbrand: la tagordo inkluzivas la renovigon de la gvidaj instancoj kaj la aprobon de la gvidlinioj por la nova trijara laborplano.
Oferto Publika por Aĉeto de la staĝejo “La Kvinpetalo”: ĝi estas farita de Serge Sire, unu el la aktivuloj de Societo Yvonne Martinot (SYM).
Ni konis s-ron Jens Steengaard Larsen antaŭ ne multaj jaroj kiel ĝisostan ĉomskianon. Intertempe okazis ia lingvistika luksacio aŭ eĉ frakturo, ĉar li pli kaj pli skeptikas pri ĉio, tamen elmetante (same dogmece kiel antaŭe) interesan skemon. Lastatempe en publika (pub/lika) liberfolejo li klarigis ke:
La esperantistoj en Razgrado (Bulgario) festis la 1an de aprilo (en la Internacia Tago de la Humuro) per vespero dediĉita al la 120a naskiĝa datreveno de Raymond Schwartz.
HeKo 386 6-C, 4 apr 09
La Kortumo de la Esperanta Civito baldaŭ bezonos novan aktiston (france: greffier). Temas pri ofico plenumebla hejme, laŭ la formulo de buralisto, kaj plenumenda plejparte per interreto. Ĉiu kosto estas repagita, sed ne ekzistas honorario.
HeKo 386 5-C, 4 apr 09
La 14an de aprilo 2009, en la Memortago de ĉiuj Pioniroj, la Esperanta Civito honoros profesoron Gaston Waringhien per la dediĉo de cenotafo en la Esperanta Panteono.
La Pakto por la Esperanta Civito estas spertanta kreskon: pli da establoj, pli da petoj por akiri la esperantan civitanecon, pli da vizitoj ĉe la retpaĝoj (nova rekordo en marto 2009, per preskaŭ 20.000), eĉ pli da nemoveblaĵoj en proprieto de la paktintoj. Samtempe Sennacieca Asocio Tutmonda kaj Universala Esperanto-Asocio perdadas membrojn: kiel klarigi tion?
HeKo 386 3-C, 1 apr 09
La 11an de marto 2009 en Malago (Hispanio) pere de sia membro Andrés Martìn la Kortumo ekzamenis la dokumentojn senditajn de “Asocio pri Esperanto en Kamerunio” (AEK) kaj trovis ilin tute konformaj al la normoj por aliĝpeto al la Pakto.
