Post la reago de la Konsulo de la Esperanta Civito pri la kontraŭtibeta politiko de Universala Esperanto-Asocio, reagis ankaŭ la prezidanto de Internacia Komitato por Etnaj Liberecoj. Kaj post la kritiko de la Konsulo pri la lingvopolitiko de UEA, reagis ankoraŭ IKEL, pere de sia estrarano, tra la gazeto “Kataluna Esperantisto”.
HeKo 369 3-C, 1 okt 08
La Esperanta Civito estas pristudita fare de Viktoria Lambers, studentino ĉe la Libera Universitato de Bruselo, en disertacio liverita al la departemento de sociaj sciencoj la pasintan aŭguston. La temo de la (franclingva) disertacio estas: “La lingvo kiel faktoro de identeco kaj ĝia interagado kun la politiko: la kazo de la esperantista komunumo de La Calamine”.
Turkio, Cipro, Grekio, Slovenio, Kroatio, Makedonio, Italio, Alĝerio, Maroko, Hispanio, Portugalio kaj… Esperantio!
HeKo 369 1-C, 30 sep 08
La Konsulo de la Esperanta Civito renkontis hieraŭ en Parizo la ĝeneralan Sekretarion de Sennacieca Asocio Tutmonda, Kreŝimir Barkoviĉ, okaze de vizito en la SAT-sidejo. Dum la interparolo, kiun partoprenis ankaŭ sen. Perla Martinelli, pluraj politikaj temoj estis traktataj.
La internaciaj ekzamenoj de ILEI/UEA daŭre restas nur dugradaj kaj ne inspiritaj de la moderna Komuna Eŭropa Framo de Referenco, malgraŭ tamburado kaj eĉ blufado tiudirekte komence de 2008. Tion eblas dedukti el lastatempa gazetara komuniko el Roterdamo:
HeKo 368 8-C, 26 sep 08
Okaze de la Eŭropa Tago de la Lingvoj hodiaŭ estis prezentita en Parizo la raporto “Lingvotestoj favore al la socia koherigo kaj al la civitaneco”, produktita de la specifa laborgrupo kreita de ALTE, Asocio de Lingvotestistoj en Eŭropo. La prezenton ĉeestis la reprezentantoj de dudeko da lingvoj, inkluzive de esperanto, kies ekskluziva delegito ĉe ALTE estas Kultura Centro Esperantista.
HeKo 368 7-C, 25 sep 08
La unua numero de “Heroldo de Esperanto” post la kongresa sezono 2008, ampleksanta la eventojn inter la fino de aŭgusto kaj la mezo de septembro, akurate aperis ĉi-semajne.
John Wells, prezidanto de la Akademio de Esperanto kaj emerita profesoro de University College en Londono, kaj prezidanto de Spelling Society, ĵus proponis forigi la regulojn de “spelling”, la skandado de la angla lingvo, necesa por lerni ties ortografion. Li ankaŭ proponis forigi la apostrofon de la saksa genitivo.
Universala Esperanto-Asocio rifuzis la proponon starigi en Meksiko la oficejon de la Amerika Komisiono de UEA. Letero de s-ro Jasuo Hori, estrarano pri landa kaj regiona agado, sendita en septembro (kvar monatojn post la ricevo de la propono) informas pri la kialoj de tiu rifuzo.
“Femina”, la unusola revuo en esperanto kiu rigardas la mondon virine kaj feminisme, estos eldonata ĉe LF-koop ankaŭ dum la venontaj tri jaroj.
Kiel kutime “Heroldo de Esperanto”, la plej ofte aperanta gazeto en nia lingvo, dediĉis duan numeron al la kongresa sezono. La unua paĝo de HdE 2126 (11:2008) pritraktas ĉefe la SAT-kongreson en Kazanlako (Bulgario) kaj la TEJO-kongreson en Sabatejo (Hungario).
