junio 2013

Francisko Degoul pri transskribo el la greka

HeKo 533 6-B, 2 jun 13

Francisko Degoul ne estas la unua kiu okupiĝas pri la transskribo de la helenaj nomoj al esperanto: interalie Eugen Wüster en malfacile trovebla verko.

Fondumo Blas Infante, federisma referenco

HeKo 533 7-B, 4 jun 13

Hodiaŭ tagmeze la vicprezidanto de Fondumo Blas Infante, adv. Pedro Ruiz-Berdejo Gutiérrez, akceptis oﬁciale du membrojn de la Kapitulo de la Esperanta Civito, vickonsulojn sen. Giorgio Silfer kaj c-inon Perla Martinelli, en la sidejo de la fondumo, admirinda domo kun impona patio en Sevilo, fakte la dua domo en la urbo laŭ antikveco, per kadastra atesto el la dektria jarcento.

Nefermita letero de Wolfgang Günther

HeKo 533 8-A, 6 jun 13

Esperanto kiel ponto inter potenciale kaj efektive detruaj kulturoj: jen la resumo de ekologie konsciaj samideanoj pri la enhavo de la raporto de Claude Nourmont kiel vicprezidanto kaj estrara respondeculino pri kulturo, kongresoj kaj edukado.

Du sukcesaj prelegoj en Malago

HeKo 533 9-B, 8 jun 13

Kreskas en Malago la informado pri interlingvistiko kaj la esperanto-kulturo, lige kun la inaŭguro de la biblioteko de la Esperanto-Domo, la venontan aŭtunon. Du sukcesaj prelegoj hispanlingve okazis ĉi-semajne, fare de sen. Giorgio Silfer, al atentaj kaj relative multnombraj publikoj: precipe en la dua, kie preskaŭ mankis loko por akcepti ĉiun aŭskultanton.

Kulturaj festoj en Razgrado

HeKo 534 1-B, 9 jun 13

La 23aj Tagoj de la Esperanta Kulturo “Abritus”, organizitaj de la Esperantista domo de kulturo “D-ro Ivan Kirĉev” – Razgrado (Bulgario) pasis je 7-9 junio 2013 kun partopreno de sesdeko da esperantlingvanoj el la tuta lando kaj gasto el Nederlando.

Pri la vendeblo de la periodaĵoj de LF-koop

HeKo 534 2-B, 10 jun 13

Kooperativo de Literatura Foiro eldonas kaj administras kvar periodaĵojn: “Literatura Foiro” (1970), “Heroldo de Esperanto” (1920), “Femina (2005) kaj “Homarane” (2011). LF-koop posedas ilin ĉiujn, escepte de “Femina”, kiun proprietas Feminisma Esperanta Movado.

Sekve de lastatempe ricevita demando, LF-koop komunikas ke:

Rezultoj de la konkurso EKRA-2013

HeKo 534 3-B, 11 jun 13

En la 23a Internacia Literatura Konkurso EKRA-2013, organizita de la Esperantista domo de kulturo “D-ro Ivan Kirĉev” – Razgrado (Bulgario), sub la aŭspicio de la revuo “Literatura Foiro”, partoprenis dudek aŭtoroj el sep landoj. Jen la rezultoj:

Por poezio:
Unuaj premioj al Race Joseph Capet kaj Valentin Melnikov.

Geografia terminologio kreskas en nia lingvo

HeKo 534 4-B, 12 jun 13

La esperantlingva “Fiziko-geograﬁa terminaro” de c-ano Hasan Jakub Hasan estis prezentita en urbo Omurtag (Bulgario), kune kun esploro de la sama aŭtoro pri la komonimoj (= nomoj de loĝlokoj el vilaĝa tipo ).

La terminologia kontribuo estis ĵus publikigita kiel volumo de la universitato en Veliko Tarnovo.

Domflegado je mil metroj

HeKo 534 5-B, 16 jun 13

Ĉi-semajne ekos en Ĉaŭdefono ĝenerala ﬂegado de la Esperanto-Domo, zorge de Fondumo Pro Esperanto kiel regio kaj plenume de c-ano Marek Bamberski. Kadre de sia oﬁco de domestro iomete helpos ankaŭ sen. Dieter Rooke. La projekto celas la renovigadon de ĉiuj persienoj kaj la riparon de multaj fenestroj. La laboroj daŭros du ĝis tri semajnojn.

Trejnado de Civitaj aktivuloj

HeKo 534 6-C, 18 jun 13

Juna itala studento eklernis nian lingvon ĉi-semajne ĉe Kultura Centro Esperantista. Lin instruas sen. Giorgio Silfer. La kurso daŭras tutan semajnon, dum kiu la studento konstante praktikas esperanton.

Serĉo

Esperanta civitaneco

Petu la esperantan civitanecon per la reta formularo.

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.