En la Esplora Instituto de Esperantologio ekis la dua semestro de la akademia jaro 2025/26 per la sukcesa semajno en Malago, pri la esperanta literaturo. Ni dankas al Esperanta Naturamikaro kaj la proprietuloj pro la gastigado en la naturamika Esperanto-Domo.
Post kelkaj tagoj la milita stato en Ukrajno eniros la kvinan jaron: en 2022 la Esperanta Civito, la Sennacieca kaj la Junulara per diversakcentaj deklaroj kondamnis la agreson de Rusio, dum la Universala vartis pekineskan sintenon; de tiam la pozicioj restis la samaj.
Ekspertoj el Katalunlingvio kaj aliaj partoj de Eŭropo planas skizon de nova Universala Deklaracio pri la Lingvaj Rajtoj, kiu celas refreŝigi kaj modernigi la ekzistantan dokumenton, aprobitan en 1996 en Barcelono, Katalunio.
La tradicio subtena al intelekte dotitaj esperantistinoj daŭras en Kooperativo de Literatura Foiro per la ĵusa eldono de “Spite kaj sprite”, 140-paĝa originala novelaro de c-ino Etel Zavadlav, surmerkatigata ekde ĉi tiu semajno, kiel tridekdua librotitolo de LF-koop (aldone al la pli ol cent de Heroldo, kies rajtojn la eŭropa entrepreno posedas).
«Mi ne estas finvenkisto, sed…» Esperantistoj ofte uzas la vorton “finvenkismo” kaj deklaras sin pli aŭ malpli proksimaj al tiu nebula koncepto, sed preskaŭ neniam difinas ĝin.
Literatura Foiro n-ro 340 (aprilo 2026) prezentas al siaj legantoj riĉan mozaikon el kontribuoj, kiuj mirinde kunligas historion, literaturon, muzikon kaj opiniojn, en la kunteksto de nia esperanta kulturo.
La numero malfermiĝas per lirikaĵo de Minosun, Senneĝa vintro, kiu paraleligas nostalgian vintran pejzaĝon el pasinteco kun frosta senviva nuntempo.
La interkultura biblioteko “Bibliomonde” estas la unua ricevinta ekzempleron de la plej nova libro de LF-koop, la novelaro “Spite kaj sprite” de Etel Zavadlav: la livero okazis kadre de la hieraŭa “esperanta legorondo” organizita de Kultura Centro Esperantista en Neŭŝatelo, kantona ĉefurbo.
C-ino Manuela Blanco, sekretario de Esperanta Naturamikaro (ENa), estis gastigita de la Esperanto-Klubo de Gotenburgo, 18-21 februaro 2026, kie en tre agrabla etoso ŝi prezentis la aktivecon de la asocio, por kiu gravos ankaŭ la Skandinava Esperanto-Domo, posedata de Esplora Instituto de Esperantologio en Lesjöfors, ĉar en ĝi ENa zorgos pri la loĝiga servo, kun idealaj kondiĉoj por ekskursoj, e
La unua paĝo de “Heroldo de Esperanto” n-ro 2374 (februaro 2026) dediĉas atenton al la milita stato en Ukrajno, interalie per la traduko de koncernaj deklaroj el la INROj kiuj tegmentas al paktintaj establoj, kiel ALTE kaj NFI. Apude, informoj pri Japanio nuntempe kaj pri la ekspansio de la Esperanta Civito.
HeKo 903 9-C, 27 feb 26
Ekde majo komenciĝos kurso pri la Konstitucio de la Esperanta Civito, kun ĝeneralaj elementoj de juro kaj historio.
