Ekde hodiaŭ Pro Esperanto ne plu estas fondumo/fondaĵo, sed denove fonduso, danke al la konsento de svisa administra tribunalo. Por kompreni la diferencon utilas la suba diskuto, ĵus okazinta en la Komitato de la Universala, kun intervenoj de s-roj Antonio Del Barrio kaj Guy Matte.
Aparte agrabla estis la festo okaze de la Tago de la Esperanta Kulturo, pasintan dimanĉon en la naturamika Esperanto-Domo: aldone al la amika etoso kaj la frandindaj kukoj, tri belaj donacoj ĝojigis la ĉeestantojn, pere de anoncoj.
Se en du landoj loĝas la granda plejmulto da hebreoj (sep milionoj en unu, pli ol kvin milionoj en la alia), oni facile deduktas kial Israelo kaj Usono havu bonajn rilatojn, unuflanke, kaj kial la malamo al unu kontaĝu la alian, aliflanke; sed antisemitismo estas pli ol la surface videbla kontraŭusoneco kaj kontraŭcionismo, pli ĝenerale kontraŭ kapitalismo kaj kontraŭ okcidento.
HeKo 896 9-C, 14 dec 25
C-ano Rubeno Fernàndez hieraŭ demisiis el la Kapitulo de la Esperanta Civito, post preskaŭ jaro da partopreno en la ekzekutiva povo. La demision, interalie, kaŭzis precipe lia deziro pli aktivi ene de la Senato, kies membro Fernàndez fariĝis lastjare.
HeKo 896 8-C, 12 dec 25
La Senato de la Esperanta Civito okupiĝos ankaŭ pri la Senata Reglamento, dum sia baldaŭa sesio en la Milana metropolo: la temon submetas sen. Rubeno Fernández, per longa amendopropono liverita fine de novembro kaj poste reformulita je du partoj en la ankoraŭ ne finita Senatokonsulto (tial afiŝotaj post ĝi).
Antaŭhieraŭ la 10an de decembro 2025, la redakcio de Literatura Foiro kunsidis virtuale por diskuti pri diversaj punktoj en la tagordo.
Tagprezidis Alessio Giordano, kunĉefredaktoro, kun ĉeesto de Perla Martinelli, Giorgio Silfer, Fernando Pita kaj Carlo Minnaja.
Kooperativo de Literatura Foiro subskribis licencan kontrakton kun la internacia informserĉilo EBSCO, unu el la ĉefaj provizantoj de ciferecaj enhavoj por universitataj bibliotekoj tutmonde: tio signifas ke artikoloj el Literatura Foiro fariĝas serĉeblaj kaj legeblaj por studentoj kaj esploristoj pere de miloj da institucioj en diversaj kontinentoj, kio signife plialtigas la akademian
La 2an de decembro mortis d-ro Ed(uard) Borsboom, iama peranto de “Literatura Foiro” en Nederlando, historiografo (precipe pri Eŭgeno Lanti kaj Andreo Cseh), junaĝe aktiva en TEJO, poste en medioj ekster UEA, kiel Internacia Esperanto-Instituto, Kultura Centro Esperantista, La Kvinpetalo, OSIEK.
HeKo 896 4-C, 9 dec 25
La opozicio en la Senato de la Esperanta Civito levis la demandon pri konfido por unu el la vickonsuloj: “ĉu vi konfirmas la konfidon al sen. Rubèn Fernández kiel kapitulano?” La demando koncernas ne la tutan Kapitulon, nur unu el ĝiaj membroj.
Hodiaŭ tagmeze, koincide kun la 92a datreveno de c-ano Bertil Nilsson, apud Stokholmo naskiĝis ankaŭ Esplora Instituto de Esperantologio, per fonda Asembleo kiu sankciis la agamian disiĝon de la establo el Kultura Centro Esperantista; la jura adreso de EIE situas ĉe la
Ĉi-jare la Tagon de la Esperanta Kulturo festos Esperanta Naturamikaro la 14an de decembro kaj Kultura Centro Esperantista la 15an de decembro, en la naturamika Esperanto-Domo de Malago respektive la helvetia Esperanto-Domo de Ĉaŭdefono.
Hodiaŭ en Komo (kvartalo Ponto Kiaso) okazis la malfonda Asembleo de Itala Interlingvistika Centro, kiu transdonis sian tutan bonhavon, pere de fonduso Pro Esperanto, al Centro di Interlinguistica, kies fonda Asembleo disvolviĝis tuj poste translime en Kiaso, kiel neprofitcela societo laŭ la art. 60 de la Svisa Kodo. La nova societo akceptis la bonhavon de la antaŭa.
