Interesa historia kaj aktuala prelego trafis kunvenon de la Londona Esperanto-Klubo (LEK) 27 septembro 2024, pri la origino kaj evoluo de PEN Internacia kaj la proksima rilato de ĝiaj pacemaj celoj, ekde la fondo en 1921, ĝis la agnosko pri esperanto kiel literatura lingvo, 10 septembro 1993, kiam la Esperanta PEN fariĝis membro de Internacia PEN.
La Komitato de Kultura Centro Esperantista informas ke KCE havas nenian responson pri Centre de Documentation et Etude sur la Langue Internationale, fako de la urba biblioteko de Ĉaŭdefono.
Esperanta Naturamikaro organizos longan kulturan semajnfinon en Malago, 28-31 marto 2025. La Parlamento de la Esperanta Civito estas invitita inaŭguri la novan mandaton ĝuste en la lasta tago, gastante en prestiĝa sidejo.
HeKo 847 1-C, 29 sep 24
Anna Bartek por la konsuleco kaj Lucien Kagina por la vickonsuleco estas la ĉefkandidatoj de la Blanka Listo por la elektoj al la Senato, laŭ la slogano “Civito bezonas kaj popolon kaj Dion”. Ĉi tiu formulo, rememoranta la teismon de Giuseppe Mazzini, inkluzivas ĉiun voĉdononton kun abrahamida kredo, de diversaj kristanaj konfesioj ĝis la islamanoj.
“Turismo kaj paco” estas la moto de la Monda Tago de Turismo, celebrita hieraŭ, emfaze pri la paciga potencialo de turismo. Sed ĉu la nune praktikata turismo povas valorigi tiun potencialon? Ĉu ne endas unue transformi turismon, kiel postulas de post multaj jaroj la Naturamikoj kaj aliaj NROj? Kaj ĉu antaŭ ĉio ne endas paci por igi turismon ebla?
HeKo 846 8-C, 27 sep 24
La elektoj al la Senato por la jarkvino 2025-29, okazontaj 15 decembro 2024, vidas c-inon Lorena Bellotti en la unua posteno de la Verda Listo, laika progresema ekologia.
Rezolucio pri esprimlibero en Palestino kaj Israelo, proponita unuavice de la angla PEN, dividis la kongreson hodiaŭ, en ĝia tria tago. La germana kaj la pola centroj deklaris kontraŭan voĉon, taksante la tekston misekvilibra.
Nia lingvo ricevis dufoje atenton hodiaŭ dum la PEN-mondkongreso en Oksfordo. Certe tio okazis raŭmisme, do ne per propaganda alparolo pri la neceso adopti esperanton por ŝpari la kostojn de interpretado…
La 90a kongreso de PEN Internacia ekis hodiaŭ en Oksfordo, per laborkomisionoj antaŭ la oficiala inaŭguro. Sub la preteksto de sekureco, la kunsidoj disvolviĝas en periferia granda hotelo, kie neniu eksterulo rimarkas ĝin.
HeKo 846 4-C, 21 sep 24
Morgaŭ la KoKuSo de la Verda Listo oficialigos sian kandidataron por la Senato de la Esperanta Civito, elektota 15 decembro 2024. La nomlisto estos sendita al la Kortumo kaj la Registro, por la necesaj juraj kaj teknikaj kontroloj. Kortumano Stano Keable ĉefe responsas pri tiu tasko.
La oktobra numero de LF, la 331a, jam survojas al sia internacia abonantaro. Kiel oni rimarkis el la kvar jam presitaj numeroj, la ĉi-jaraj kovropaĝoj elstarigas la pentraĵojn de Maja Gorova, vicprezidantino de Bulgara E-Asocio kaj filino de la esperantista verkisto Ĥrima Gorov, kies belartaj kompetento kaj sentemo evidentiĝis per pluraj ekspozicioj lokaj kaj internaciaj.
S-ro Etsuo Miyoshi komunikas: “Rezulte de la reklamkampanjo pri Esperanto kaj posta letera kampanjo estiĝis rekta kontakto kun la Eŭropa Komisiono. Nun la departamento “Lernejoj kaj Multlingveco” konfirmis, ke por la projektoj de Erasmus+ kaj Kreema Eŭropo (Creative Europe) Esperanto estas samrajta kun aliaj lingvoj inkluzive de regionaj kaj minoritataj lingvoj.
