Mortis Pierre Babin, eksa kastelestro
HeKo 571 6-A, 2 mar 15
Laŭ aĝo probable la dojeno de la francaj esperantistoj, la 96-jara Pierre Babin mortis hodiaŭ en Bretonio.
Asembleo de LF-koop - el la komitata raporto
HeKo 571 5-B, 1 mar 15
Sub la prezido de sia dojeno, c-ano Bertil Nilsson, Kooperativo de Literatura Foiro havis hodiaŭ en Ĉaŭdefono sian ĝeneralan Asembleon. Jen la ĉefaj frazoj el la Komitata raporto.
Pozitivan jarraporton aprobis la KCE-Asembleo
HeKo 571 4-B, 28 feb 15
La Asembleo de Kultura Centro Esperantista, kunveninta hodiaŭ en Ĉaŭdefono sub la taga prezido de c-ano Carlo Minnaja, aprobis post amendoj la raportojn de la Komitato, kies agado en 2014 firmigis la situacion de KCE, administre kaj finance. La ĝojiga konstato ke la Domo estas por KCE rimedo, ne celo, preludus al pli da kultura aktiveco dum la jartrio 2015-17.
Lingva kolokvo sukcese ekis
HeKo 571 3-B, 28 feb 15
Sukcese komenciĝis la kolokvo pri “Vivanta lingvo de vivanta komunumo”, organizita de KCE ĉe la Esperanto-Domo en Ĉaŭdefono kaj malfermita de sen. Marie-France Conde Rey, Konsulo de la Esperanta Civito.
Benczik en la 21a literatura kafejo
HeKo 571 2-B, 19 feb 15
Tre vigla Vilmos Benczik gastis ĉe la 21a literatura kafejo, organizita de Fajszi Amika Rondo sub la aŭspicio de Esperanta PEN-Centro, hodiaŭ ĉe Landa Fremdlingva Biblioteko en Budapeŝto antaŭ relative nombra (kaj kvalite altnivela) publiko.
Heroldo kompleta por 2014, kaj ekis por 2015
HeKo 571 1-B, 12 feb 15
“Heroldo de Esperanto” kompletigis la jarkolekton 2014 (dek sep numeroj) kaj ekis per la unua numero de 2015. Nelojala konkurenco insistas ke HdE mortis, sed la faktoj dementas la kutiman litanion, kies fuŝaj kantoroj estas Kalle Kniivilä aŭ Gian Carlo Fighiera.
En marto 2015 la Asembleo de ENa
HeKo 570 9-B, 7 feb 15
Esperanta Naturamikaro havos sian ordinaran Asembleon 23 marto 2015 ĉe la Esperanto-Domo en Malago. La dato estis oficiale anoncita hodiaŭ fare de la prezidanto, sen. Julio Herrero, okaze de tre agrabla aperitivo por inaŭguri la renovigitan teretaĝan salonon en la Domo mem.
Esperanto-Kurso en fora Kanaria insulo
HeKo 570 8-B, 31 jan 15
En la plej fora Kanaria insulo (kie tamen naskiĝis Juan Régulo Pérez en 1914) laŭ invito de lokaj naturamikoj c-ano prof. Giorgio Silfer ĵus finis intensivan esperanto-kurson.
Sukcesoj kaj fiaskoj en Esperantio 2014
HeKo 570 7-C, 25 jan 14
Marie-France Conde Rey, Konsulo de la Esperanta Civito, kaj Anna Bartek, estrino de la blanka opozicio en la Senato, estis intervjuitaj de “La Ondo de Esperanto” pri la plej gravaj sukcesoj kaj fiaskoj en 2014. Jen la respondo de la Konsulo:
Naturamikoj renkontis la EU-Parlamentestron
HeKo 570 6-B, 23 jan 15
Iniciate de Michael Müller, prezidanto de la germana naturamikaro, renkonto okazis 20 januaro 2015 en Bruselo inter li kaj la prezidanto de EU-Parlamento, Martin Schulz, kun la partopreno de Manfred Pils, internacia prezidanto, kaj Seda Orhan, brusela ataŝeo de Naturamika Internacio.
Afriko perdis sian "blankan patron"
HeKo 570 5-B, 21 jan 15
La afrika Esperantio perdis sian “blankan patron”: hodiaŭ en Amsterdamo subite mortis Hans Bakker (1937[1953]-2015). Laŭ lasta mesaĝo al afrikano, li informis ke “pro malsaneto kaj malforto, ni ne povis renkontiĝi”. Ankoraŭ ĉi-semajne alvenis mesaĝo de Bakker, ke “li provizore ne respondos al poŝtajoj”.
La svisa valuta tertremo kaj Esperantio
HeKo 570 4-C, 17 jan 15
Sekve de la subita valoriĝo de la svisa franko, ekde hodiaŭ la kurzo praktikata ĉe la “Civita banko”, nome fondumo Pro Esperanto (FPEF), estas unu eŭro kontraŭ unu franko.