Heroldo Komunikas | Heroldo Komunikas

Someraj anstataŭoj en Esperanto-Domoj

HeKo 535 2-C, 25 jun 13

Fondumo Pro Esperanto kiel regio anoncas ke, pro forestado dum la someraj monatoj, sen. Dieter Rooke, domestro en Ĉaŭdefono, estos anstataŭata de sen. Anna Bartek, kaj c-ino Perla Martinelli, domestrino en Malago, estos anstataŭata de s-ino Mouna Ezzaoudi. La nemoveblaĵo en Budapeŝto restos fermita ĝis 25 aŭgusto 2013.

Legu pli pri Someraj anstataŭoj en Esperanto-Domoj

Rimarkindoj post la UEA-elektoj

HeKo 535 1-A, 24 jun 13

Apenaŭ iom pli ol kvarono de la individua membraro interesiĝis pri la ĵusaj elektoj de la B-komitatanoj de Universala Esperanto-Asocio. Teorie en la Komitato la dekmilo da asociaj membroj restas superreprezentataj kompare kun 4.400 individuaj membroj, ĉar la proporcio estas proksimume dek je unu; tamen praktike eĉ ne 1.200 voĉoj pruvas ke la afero ne estas misproporcia.

Legu pli pri Rimarkindoj post la UEA-elektoj

Delira intervjuo de Gian Carlo Fighiera

HeKo 534 9-B, 24 jun 13

S-ro Gian Carlo Fighiera ĵus aperigis deliran intervjuon en la skandala retgazeto “Libera Folio”. Parto de tiu deliro estas la falsa informo (sed la redakcio de LibFol kutimas mensogi aŭ mistiﬁki) ke la gazeto “Heroldo de Esperanto” estus proprieto de la Esperanta Civito, kvankam ĝi estas proprieto de LF-koop.

Legu pli pri Delira intervjuo de Gian Carlo Fighiera

Budapeŝta literatura kafejo pri muzika kulturo

HeKo 534 8-B, 21 jun 13

Hieraŭ la monata literatura kafejo de Fajszi Amika Rondo kaj Esperanta PEN enfokusiĝis pri nia originala muzika kulturo. Anjo Amika prezentis specimenojn de kanzonoj kies teksto estis verkita kaj melodio komponita por esperanta kantistino, originale en nia lingvo.

Legu pli pri Budapeŝta literatura kafejo pri muzika kulturo

Muzea ekspozicio pri du IJKoj en Vraco

HeKo 534 7-B, 20 jun 13

De hodiaŭ dum tuta monato estos ne vasta tamen valora ekspozicio en la regiona historia muzeo de Vraco (Bulgario), por rememorigi la okazintajn en la urbo 19an Internacian Junularan Kongreson (1963) kaj 49an IJKon tridek jarojn poste (1993).

Legu pli pri Muzea ekspozicio pri du IJKoj en Vraco

Trejnado de Civitaj aktivuloj

HeKo 534 6-C, 18 jun 13

Juna itala studento eklernis nian lingvon ĉi-semajne ĉe Kultura Centro Esperantista. Lin instruas sen. Giorgio Silfer. La kurso daŭras tutan semajnon, dum kiu la studento konstante praktikas esperanton.

Legu pli pri Trejnado de Civitaj aktivuloj

Domflegado je mil metroj

HeKo 534 5-B, 16 jun 13

Ĉi-semajne ekos en Ĉaŭdefono ĝenerala ﬂegado de la Esperanto-Domo, zorge de Fondumo Pro Esperanto kiel regio kaj plenume de c-ano Marek Bamberski. Kadre de sia oﬁco de domestro iomete helpos ankaŭ sen. Dieter Rooke. La projekto celas la renovigadon de ĉiuj persienoj kaj la riparon de multaj fenestroj. La laboroj daŭros du ĝis tri semajnojn.

Legu pli pri Domflegado je mil metroj

Geografia terminologio kreskas en nia lingvo

HeKo 534 4-B, 12 jun 13

La esperantlingva “Fiziko-geograﬁa terminaro” de c-ano Hasan Jakub Hasan estis prezentita en urbo Omurtag (Bulgario), kune kun esploro de la sama aŭtoro pri la komonimoj (= nomoj de loĝlokoj el vilaĝa tipo ).

La terminologia kontribuo estis ĵus publikigita kiel volumo de la universitato en Veliko Tarnovo.

Legu pli pri Geografia terminologio kreskas en nia lingvo

Rezultoj de la konkurso EKRA-2013

HeKo 534 3-B, 11 jun 13

En la 23a Internacia Literatura Konkurso EKRA-2013, organizita de la Esperantista domo de kulturo “D-ro Ivan Kirĉev” – Razgrado (Bulgario), sub la aŭspicio de la revuo “Literatura Foiro”, partoprenis dudek aŭtoroj el sep landoj. Jen la rezultoj:

Por poezio:
Unuaj premioj al Race Joseph Capet kaj Valentin Melnikov.

Legu pli pri Rezultoj de la konkurso EKRA-2013

Pri la vendeblo de la periodaĵoj de LF-koop

HeKo 534 2-B, 10 jun 13

Kooperativo de Literatura Foiro eldonas kaj administras kvar periodaĵojn: “Literatura Foiro” (1970), “Heroldo de Esperanto” (1920), “Femina (2005) kaj “Homarane” (2011). LF-koop posedas ilin ĉiujn, escepte de “Femina”, kiun proprietas Feminisma Esperanta Movado.

Sekve de lastatempe ricevita demando, LF-koop komunikas ke:

Legu pli pri Pri la vendeblo de la periodaĵoj de LF-koop

Kulturaj festoj en Razgrado

HeKo 534 1-B, 9 jun 13

La 23aj Tagoj de la Esperanta Kulturo “Abritus”, organizitaj de la Esperantista domo de kulturo “D-ro Ivan Kirĉev” – Razgrado (Bulgario) pasis je 7-9 junio 2013 kun partopreno de sesdeko da esperantlingvanoj el la tuta lando kaj gasto el Nederlando.

Legu pli pri Kulturaj festoj en Razgrado

Du sukcesaj prelegoj en Malago

HeKo 533 9-B, 8 jun 13

Kreskas en Malago la informado pri interlingvistiko kaj la esperanto-kulturo, lige kun la inaŭguro de la biblioteko de la Esperanto-Domo, la venontan aŭtunon. Du sukcesaj prelegoj hispanlingve okazis ĉi-semajne, fare de sen. Giorgio Silfer, al atentaj kaj relative multnombraj publikoj: precipe en la dua, kie preskaŭ mankis loko por akcepti ĉiun aŭskultanton.

Legu pli pri Du sukcesaj prelegoj en Malago

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.